ఈ రచన కు శీర్షిక మీరే సూచించండి....

వంటరితనానికి భయపడేవాడను
నన్ను నేను ఇష్టపడటం నేర్చుకున్నప్పటి వరకు
అపజయానికి భయపడేవాడను
అది నా ప్రయత్న లోపమని గ్రహించినప్పటి వరకు
విజయానికి భయపడేవాడనుఅది నా ఒక్కడి సంతృప్తి కొరకే అని గ్రహించినప్పటి వరకు
మనుషుల అభిప్రాయాలకి భయపడేవాడను
ప్రతి మనిషికి మరో మనిషి పై ఒక అభిప్రాయం ఉంటుంది అని గ్రహించినప్పటి వరకు
తిరస్కారానికి భయపడేవాడను
నన్ను నేను విశ్వసించటం నేర్చుకున్నప్పటి వరకు
కష్టానికి భయపడేవాడను
ఎదగడానికి అది ఒక చిన్న అవరోధం అని గ్రహించినప్పటి వరకు
నిజమంటే భయపడేవాడను
అబద్దం వికృత రూపం చూసేంత వరకు
జీవితం అంటే భయపడేవాడను
దాని అందాన్ని ఆస్వాదించేప్పటి వరకు
మరణం అంటే భయపడేవాడను
అది దాని అంతం కాదని ఆరంభమని గుర్తించే వరకు
గమ్యం అంటే భయపడేవాడను
నా జీవితాన్ని మార్చుకోగల శక్తి నాలోనే వుందని గ్రహించు వరకు
ద్వేషమంటే భయపడేవాడను
అది కేవలం అజ్ఞానమని తెలిసే వరకు
ప్రేమంటె భయపడేవాడను
అది నా హృదయాన్ని తాకనంత వరకు
భవిష్య కాలమంటే భయపడేవాడను
జీవితం వృద్ధి చెందుతోందని గ్రహించు వరకు
భూత కాలమంటే భయపడేవాడను
అది ఇక నన్నేమీ చెయలేదని గ్రహించు వరకు
అంధకారమంటే భయపడేవాడను
తారల సౌందర్యం తిలకించువరకు
మార్పు అంటే భయపడేవాడను
అందమైన సీతాకోకచిలుకగా ఎగిరేముందు
దానికి విక్రుతమైన గొంగళి పురుగు రూపం ధరించక తప్పలేదని గ్రహించు వరకు