FIFA 2010

ఆసక్తికరంగా మారిన సాకర సమరం!!

ఒకసారి ఫీఫా చరిత్రలోకి తొంగి చూసి ఇప్పుడు సూపర్ 8 కి చేరుకున్న జట్ట్ల ఆట తీరు గమనిస్తే అంతా ఆసక్తికరమే అనిపించింది.

గతం లో నాలుగు సార్లు [1934,1938,1982,2006] విజేత అయిన ఇటలీ కి ఈసారి సూపర్ 8 లొ అడ్డ్రస్సు గల్లంతు !!

1998 లో టైటిల్ కొట్టి గత ప్రపంచ్ కప్ లో ఫైనల్స్ వరకూ చేరిన ఫ్రాన్స్ ఈసారి సూపర్ 8 లో కూడా స్థానం సంపాదించలేకపోయింది.

1966 లో ఒకే ఒక్కసారి ఫైనల్స్ కి చేరి ఆ ఒక్కసారీ గెలిచిన ఇంగ్లండ్ కూడ ఫ్రాన్స్ బాటలోనే ఇంటి దారి పట్టింది.

రెండుసార్లు[1978,1986]విజేతై నాలుగు సార్లు ఫైనల్స్ కి వెళ్ళిన చరిత్ర తో అర్జెంటీనా ,మూడు సార్లు

[ 1954,1974,1990] గెలిచి ఏడు సార్లు ఫైనల్స్ కి చేరిన జర్మనీల తో తలపడబొతోంది..…చాలా ఆసక్తిని రేకిత్తిస్తోంది కదా వీళ్ళిద్దరి పోరు? మిస్స్ అవ్వకండి మరి ఈ మాచ్ ని..జులై 3న ఏబీసి లో ప్రత్యక్ష ప్రసారం అవుతోంది....

మరో రెండు జట్టులు పరాగ్వే మరియు స్పెయిన్ లు కూడా రౌండ్ 8 లో కి ప్రవేశించినా పెద్దగా ఆసక్తి కలిగించటం లేదు కాని ఏమో ఎవరూహించగలరు ....1982 లొ కప్ గెలిచిన చరిత్ర స్పెయిన్ కి ఉంది...కానీ పరాగ్వే 5 పాయింట్ల తో స్పెయిన్ కంటే ఒక పాయింట్ ఆధిక్యంలో ఉంది...

3 సార్లు విజేతలైన జర్మనీలు సూపర్ 8 కి రావటం పెద్ద విశేషమేమీ కాదనుకోండి….

ఇక ఇప్పటికి రెండు సార్లు కప్పు కొట్టిన ఉరుగ్వే సాకర్ లో పసికూన ఘనా తో రౌండ్ 8 లో తలపడుతోంది...పసికూన అనకూడదేమో....ఎందుకంటే ఇదే పసికూన అమెరికా ని రౌండ్ 16 లో కంగు తినిపించటం మనకు తెలిసిందే….

ఇక సాకర్ దిగ్గజం బ్రెజిల్ ఇప్పటికే అయిదు సార్లు[1958,1962,1970,1994,2002] విజయఢంకా మోగించి, ప్రస్తుత టోర్నమెంటు లో పొర్చుగల్ తో మాచ్ డ్రా చేసుకుని రౌండ్ 8 లో కి ప్రవేశించి, గతంలో రెండు సార్లు [1974,1978] ఫైనల్స్ కి వెళ్ళగలినా పరాజయం పాలై విజయం కోసం పరితపిస్తూ ప్రస్తుత టోర్నమెంటు లో ఇప్పటివరకూ అన్ని మాచ్ లూ గెలుస్తూ వస్తోన్న నెదర్లెండ్స్ తొ పోటీకి సిద్దమైంది.....బ్రెజిల్ నిలకడగా ఆడుతూ ముందుకెళుతుందా? లేక విజయదాహంతో ఉన్న నెదర్లెండ్స్ బ్రెజిల్ పై అద్భుత విజయం సాధించి సెమీస్ కి చేరబోతోందా? ఈ సమరం రేపు ఉదయం 10 గం కి ఈఎస్పిఎన్ లో మొదలవుతుంది కాబట్టి అప్పటివరకూ వేచిచూడక తప్పదు.